By Elvira C. Bongosia
TAGBILARAN CITY, Bohol, Hulyo 9 (PIA)--Dili personal nga gamit o
kaugalingong pundar ang mga service firearms o pusil nga gi-isyu sa gobyerno sa
mga pulis aron i-prenda sa oras nga may panginahanglan og salapi.
Mao kini ang klarong mensahe gikan sa Phlippine National Police (PNP) sa dihang gimando sa hepe niining si Director General Alan Purisima sa tanang police commanders sa tibuok nasud nga ipaabot sa tanang nanag-iya og pawnshop ang bug-at nga atubangong silot kun adunay makitang naka-prenda nga service firearm sa ilang kustodiya.
Nasayran nga may pipila ka badlongong pulis nga nasakpang nagprenda og pusil nga gi-isyu sa gobyerno kanila isip armas sa paghatag og proteksyon sa publiko batok sa mga kriminal. Partikular nga gitumbok ni Purisima ang mga bag-ong isyung Glock 17 generation 4 ug .9mm pistol.
Giingong parte sa programa sa administrasyong Aquino nga ma-upgrade ang mga armas ug gamit sa kapolisan paingon sa moderni¬sasyon ug aron mapalapdan ang ginahatag niining proteksyon sa publiko.
Apan dili lamang ang mga nanag-iya og pawnshop ang nidawat sa seryosong pasidaan gikan sa pamunuan sa PNP apan apil na usab ang mismong gi-isyuhan sa pusil. Giingong pasakaan dayon og kaso ang bisan kinsang pulis nga mag-prenda sa ilang service firearm. (mbcn/ecb/PIA7-Bohol)
Mao kini ang klarong mensahe gikan sa Phlippine National Police (PNP) sa dihang gimando sa hepe niining si Director General Alan Purisima sa tanang police commanders sa tibuok nasud nga ipaabot sa tanang nanag-iya og pawnshop ang bug-at nga atubangong silot kun adunay makitang naka-prenda nga service firearm sa ilang kustodiya.
Nasayran nga may pipila ka badlongong pulis nga nasakpang nagprenda og pusil nga gi-isyu sa gobyerno kanila isip armas sa paghatag og proteksyon sa publiko batok sa mga kriminal. Partikular nga gitumbok ni Purisima ang mga bag-ong isyung Glock 17 generation 4 ug .9mm pistol.
Giingong parte sa programa sa administrasyong Aquino nga ma-upgrade ang mga armas ug gamit sa kapolisan paingon sa moderni¬sasyon ug aron mapalapdan ang ginahatag niining proteksyon sa publiko.
Apan dili lamang ang mga nanag-iya og pawnshop ang nidawat sa seryosong pasidaan gikan sa pamunuan sa PNP apan apil na usab ang mismong gi-isyuhan sa pusil. Giingong pasakaan dayon og kaso ang bisan kinsang pulis nga mag-prenda sa ilang service firearm. (mbcn/ecb/PIA7-Bohol)
No comments:
Post a Comment