By Leandria P. Pagunsan
DUMAGUETE CITY, Hulyo 3 (PIA) -- Pormal nga gi buksan karong kagahapon (Hulyo 1) ang kasaulogan sa
Nutrition Month pinaagi sa usa ka Nuti-walk nga gipanangulohan sa Provincial
Nutrition Council, mga estudyante, PNP, school organization, DepEd, NFA,
Provincial Agriculture's Office ug uban pang mga ahensya sa gobyerno.
Human sa Nuti-walk gipahigayon ang usa ka programa sa Freedom Park diin gihimo
ang pagpanumpa sa Pagdaginot sa Humay kon 'Rice Pledge' ug ang 'Pledge of
Commitment' nga gipasi-ugdahan ni Dr. Edgardo Barredo ang Provincial Nutrition
Action Officer.
Sa gibatbat nga Pledge of Commitment ni Dr. Barredo gipasabot niya nga
mapakgang lamang ang problema sa Malnutrisyon kung magkahiusa ug magtinabangay
ang tanan nga katawhan sa pagkaon lamang sa insakto aron walay pagkaon nga ma
usik.
Panghingusgan ug hatagan ug importansya sa atong mga political leaders ang
problema sa tumang kakabus nga maoy hinungdan sa kagutom.
Mopasiugda ug magtinabangay nga makakuha ug pondo gikan sa mga stakeholders
aron masuportahan ang mga programa pagwagtang o pakunhod sa malnutrisyon dinhi
sa nasud.
Magtinabangay isip komunidad alang sa pagpausbaw sa local food production ug
ang pagpakabana ug paghatag sa atong suporta aron wala nay Filipino nga
mahimong malnourished. (mbcn/LLPagunsan/PIA7-NegOr)
No comments:
Post a Comment