By Elvira C. Bongosia
TAGBILARAN CITY, Bohol, Mar. 3 (PIA) --
Nagka-uyon kagahapon ang Government of the Philippines (GPH) ug Moro Islamic
Liberation Front (MILF) panels sa Kuala Lumpur, Malaysia sa usa ka
mahinungdanong annex sa Bangsamoro Framework Agreement.
Ang gitawag nga Annex on Transitional Arrangements and Modalities (TAM)
nagdetalye sa padulngang mapa (road map) alang sa pagmugna og usa ka Bangsamoro
region.
Hulipan sa Bangsamoro region ang Autonomous Region in Muslim Mindanao (ARMM)
nga giingong usa ka pakyas nga eksperimento.
Basi sa joint statement, gipirmahan usab sa magka-atbang nga partido ang Terms
of Reference for the Independent Commission on Policing (ICP)
Trabaho sa ICP ang mo-umol og mga rekomendasyon kun unsaon ang istruktura ug
katungdanan sa pulis sa Bangsamoro.
Samtang padayon pang gihisgotan ang mga Annexes sa pagbahin sa katigayonan ug
pamuno-an (wealth-sharing ug power-sharing) tandi sa gobyerno ug MILF.
(mbcn/ECB/PIA-Bohol)
No comments:
Post a Comment