By Rey Anthony H. Chiu
CORTES, Bohol, Peb 6 (PIA)
–Paminawon sa nga sakop sa Coastal Law Enforcement Council (CLEC I) ang mga
kalampusan sa matag lungsod nga sakop niini kalabut sa kampanya sa pagpanalipud
sa kadagatan ug sa mga katunggan.
Didto sa tigum sa CLEC I, Pebrero 5, 2013 sa Hayahay Hall, Municipal Annex Building sa Loon, itaho usab sa mga tinugyanan sa Police Environment Desk Office (PEDO) sa matag lungsod ang ilang mga kasinatian sa kampanya.
Gawas niana, magbayloay usab sa mga kasayuran ang matag lungsod nga sakop sa CLEC, aron itandi ang mga kalihukan sa mga kalungsuran nga ikatampo sa kinatibuk-ang tumong sa kahugpungan.
Motaho ang mga municipal CLE Teams sa Tubigon, Calape, Loon, Maribojoc, Cortes, Dauis, Panglao, Baclayon ug Alburquerque.
Gawas sa mga CLET, itaho sa mga PEDO pinaagi sa ilang mga tagsa-tagsa ka hepe sa kapolisan ang ilang nahipos nga mga taho ug kadaugan sa kampanya sa coastal law enforcement.
Kahinumduman nga ang CLEC usa ka solusyon sa lisud ipatuman nga Fisheries Code of the Philippines, ilabi na kon mo-apil na og tigaw ang mga politico.
May mga hitabo nga dili na madakop sa mga fish warden ug bantay dagat ang mga illegal nga nangisda tungod kay mitabok na kini sa pikas lungsod, og wala nay katungod ang mga taga pikas lungsod sa paglutos niini.
Aron a-hataga’g solbad ang susamang suliran, gihugpong ang tanang mga bantay dagat ug ang mga sakop sa mga ahensya nga may kalambigitan sa pagpatuman sa balaod aron hiusahon sa usa ka konseho nga dungang magluwan sa usa lamang ka team sa pagpanakop.
Niini, nahimong mas epektibo ang pagbantay sa mga kabaybayonan ug kadagatan kay namugna na man ang CLEC.
May CLEC usab sa ikaduha ug sa ikatulong Distrito sa Bohol.
Si Loon Mayor Lloyd Peter Lopez maoy stirman sa CLEC 1. (30/gg)
Didto sa tigum sa CLEC I, Pebrero 5, 2013 sa Hayahay Hall, Municipal Annex Building sa Loon, itaho usab sa mga tinugyanan sa Police Environment Desk Office (PEDO) sa matag lungsod ang ilang mga kasinatian sa kampanya.
Gawas niana, magbayloay usab sa mga kasayuran ang matag lungsod nga sakop sa CLEC, aron itandi ang mga kalihukan sa mga kalungsuran nga ikatampo sa kinatibuk-ang tumong sa kahugpungan.
Motaho ang mga municipal CLE Teams sa Tubigon, Calape, Loon, Maribojoc, Cortes, Dauis, Panglao, Baclayon ug Alburquerque.
Gawas sa mga CLET, itaho sa mga PEDO pinaagi sa ilang mga tagsa-tagsa ka hepe sa kapolisan ang ilang nahipos nga mga taho ug kadaugan sa kampanya sa coastal law enforcement.
Kahinumduman nga ang CLEC usa ka solusyon sa lisud ipatuman nga Fisheries Code of the Philippines, ilabi na kon mo-apil na og tigaw ang mga politico.
May mga hitabo nga dili na madakop sa mga fish warden ug bantay dagat ang mga illegal nga nangisda tungod kay mitabok na kini sa pikas lungsod, og wala nay katungod ang mga taga pikas lungsod sa paglutos niini.
Aron a-hataga’g solbad ang susamang suliran, gihugpong ang tanang mga bantay dagat ug ang mga sakop sa mga ahensya nga may kalambigitan sa pagpatuman sa balaod aron hiusahon sa usa ka konseho nga dungang magluwan sa usa lamang ka team sa pagpanakop.
Niini, nahimong mas epektibo ang pagbantay sa mga kabaybayonan ug kadagatan kay namugna na man ang CLEC.
May CLEC usab sa ikaduha ug sa ikatulong Distrito sa Bohol.
Si Loon Mayor Lloyd Peter Lopez maoy stirman sa CLEC 1. (30/gg)
No comments:
Post a Comment